يامقدمين من جتتى
قربان
ومفرقين التوب
وانا عريان
أمانة عليكوا
شوفولى حتة وطن
أحس جواه
ان انا إنسان
والله العظيم من قلبى
وآدى مرّه كمان عَصيت
عِدّ يا عمّ الملاك
ياللى انت رابصلى على
كتفى الشمال
عمّال
تأيِّد ف الذنوب
وبتلتمس ليا الهلاك
أوعى تنسى
لاجل خاطرى
و انت طالع فوق أمانه
تقول لربّى
مكانش قاصده
و فين انت
نفسى اعيش
زى شمعه تدوب خيوطها
رغم موتها ماتنطفيش
زى موجة بحر سارحه
زى فرحة ماتنتهيش
نفسى اعيش جوّه العيون
نفسى اكون
ذكرى حلوه ماتتنسيش
نفسى أسكن فى الصور
والأماكن
والملامح والغُنى
أصل انا
غير قلوب الناس ماليش
نفسى اعيش
مكتبتى حزينه
وبتشتكى من جدران البيت
كتبى المسكينه
ملّت م الركنه جنب الحيط
بتقوللى: اقرانى
دا انا كلّى معانى
فداريت عنها كسوفى ورديت:
ماتعلمتش ولا عمرى قريت
دا انا حاطّك زينه
واهو منظر من ضمن الإتيكيت
مكتبتى حزينه
لو مُتّ
متحطّوش على الضريح شمعة
ماتزودوش حزنكم
ولاتزرفوش دمعة
كل اللى بتمناه
بقوله ف وصية
غنوا كلامى وياريت
الناس تكون سامعة
لو رافضانى أعيش ف ضريحكماحلىَ التوهة مع الدراويش
لحظة خروجى من البروفة
فتحوا الكشك
على الرصيف
شبابيك الصُبح بتتفتح
و الليل بيعَجِّز ويروَّح
وانا كل ماشِبّ عشان تلمحنى
عيون البنت الأمورة
بالقى الايام بينى وبينها
ودموعى بتنزل من عِينها
بَاسقط
واخرُج برّة الصورة
رغم اننا 
تنورة شوقى بتسبقنى
كان معايا ساعتها كراسة وقلم
النور انسان
السكة ف بعد الناس .. بتضيق
لحظة خروجى من البروفةاحساس غريب باللخبطة
بالشخبطة
على وشى واسأل
مين انا
فتحوا الكشك
وياللا نهيص
فى علب مقفولة وقراطيس
قرب واسبق
قرب واسبق
بكرة هاتلحق
مايهمكش
ده كله رخيص
على الرصيفاحساس مخيف بالانتظار
شبابيك الصُبح بتتفتح
و الليل بيعَجِّز ويروَّح
وانا كل ماشِبّ عشان تلمحنى
عيون البنت الأمورة
بالقى الايام بينى وبينها
ودموعى بتنزل من عِينها
بَاسقط
واخرُج برّة الصورة
رغم اننا تفتكرى ليه؟
دايما باحس انك هنا
تنورة شوقى بتسبقنىو بتفقدنى
احساسى بروحى و بالمسافات
كان معايا ساعتها كراسة وقلمكتبت اجمل ذكرياتى
حاجات كتير انا عشتها
وحاجات كتير
كان غصب عنى ماعشتهاش
بينى وبين النيل حكاية
برغم حزنى مابنساهاش
النور انسان
السكة ف بعد الناس .. بتضيق
هناك 11 تعليقًا:
هو ده الديوان ولا ايه
حاطط شغلك كله مره واحده ولا دى قصيده ولا ايه ياريت توضح
عالعموم الشغل كويس
وحلو العنوان
الى فتاه لا تغرب عنها الشمس
دى قريبه المدينه التى لاتغرب عنها الشمس
اما بالنسبه للصور حاسه انها كتير ومضافتش للنص
انت متاثر قوى بعمك جاهين
والسلام ختاااااااااام
يابنت ياكرانيش انتى مش فاهمه هوانتى مقرتيش القرار الديكتاتورى ولاايه عالم جهله صحيحه انتى فاكراكى لسه هتعيشي في ديموكراسي اوه بقى
سيبك من البنت اللى هناك دى
....
..
.
الصور معظمها كويس بس افتكر انى قلتلكالمرةاللى فاتت مش لوحدك اللى بتفن في الصور أنا آخر بوست الصور كلها من صنع ايديه وحياة عم حسنين
الصورة اللى هى السكة بتضيق لما الناسبيبعدوا دى حلوة أوىىىىىىىىى هو المكان ده فين
وصورة الشباك هو ده منور؟؟؟
حلوة برضوا
والراجل اللى بيضحك بتاع البالونات برضوا جميله بجد
بس كفايه الباقي نتكلم عنه بعدين
الشعر بقى
حسييييييييييييييييييييييته
بس خلاص
ممزقات تستحق القراءة
حلوة الصور
لأ لأ ييجى منك
كويس كتير
كرانيش/
مبدأيا يا كرانيش هانم -على رأى غادة-
ده مش الديوان ولا حاجة دى مقاطع انا بحبها من شغلى و كلها حالات مختلفة
( الى فتاه لاتغرب عنها الشمس )ده مش عنوان ده اهداء لبنت مابتغربش عنها الشمس
اما بالنسبة للصور فَ دى جزء من الحالات اللى مكتوبة يعنى الشيئ لزوم الشيئ
اما عن تأثرى اوى بأونكل جاهين
فَ أنا خليل ..
*****
غادة/
انا شفت الوست اللى فيه الصور -دون الرجوع لعم حسنين-
صورة السكة صورتها فى الدرب الاحمر
وصورة الشباك ده مش منور ولا حاجة
وكفاية لانى كده افشيت اسرار المهنة
-وده بس عشان خاطر العيش والكنز-
مشكرا
بس..
عين ضيقة/
كويس ان ده رايك فى (ممزقاتى)
بس السؤال اللى بيفرض نفسه بقى
_هو انا يجى منى فعلا؟!
طبعا ياباشا ييجى منك
ممكن ييجى منك جنيه .. نص.. اى حاجة يعنى
هههههههههههه
لا بجد
الشغل كويس
تحياتى
الله عليك
بجد الصور حلوة جدا
و أحييك بشكل خاص على السيلويت اللي إنت واخده ليك و مخليه صورتك الرمزية بجد تحفة
انا مقلتش خاااالص ان الصور وحشه
الصور كويسه جدا بس كل اللى انا قلته ان الصور مضافتش للنص رغم انها ليها علاقه جامده بيها
بس فى حاجه
ياتحط الصوره ياتحط النص
فهمتنى؟؟
وبعدين متهيالى كان ممكن تحط كل نص لوحده لان بجد النصوص دى تستاهل النقاش
بس كل واحد على حده
مادو/
متشكر .. ده من زوقك واينا بنحاول
******
كرانيش/
والله ا>ا كانت الصور عجبتك ف ده شيئ جميل
اما لو كان الشعر هو اللى عجبك فيبقى رائع جدا
و ع العموم متشكر جدا ع المتابعة
كلامك جميل جدا يا خوليو
بصراحة احساسي بيقوللي انك موهبة كبيرة قوي، وان شاء الله تنضج كما ينبغي
تحياتي علي
"وانا كل ماشِبّ عشان تلمحنى
عيون البنت الأمورة
بالقى الايام بينى وبينها
ودموعى بتنزل من عِينها
بَاسقط
واخرُج برّة الصورة "
-----------------
لكن، تجربة اقتطاع أجزاء من القصائد، قد تكون أكثر أمنا، لكنها لا تغني من جوع
تحياتي
بحلم/
متشكر جدا على الكلام الحلو ده
وعلى فكرة المقطع ده انا منحاز له جدا من بين شغلى كله والحمد لله انه حاز اعجابك
اما بالنسبة للاقتطاع من القصايد فأنا مش باقتطع ولا حاجة دى كلها حالات مختلفة كان لها وقتها
إرسال تعليق