الحزن جبان

عارفة..
أقسى حالات الحزن
لما القلب
يكون بردان

حرف ونغمة

مليون مبروك يا وائل و انشالله يوم ناجح

الآن فى المنفى

:قُل للحياةِ، كما يليقُ بشاعرِ متمرسِ

سيرى ببطءِ كالإناثِ الواثقات بسحرهن

و كيدهن، لكل واحدة نداء ما خفىّ

هيت لك/ما أجملك

محمود درويش

حرف و نغمة

بدأ العد التنازلى

سيوجد بينكم رجلا
سميح الوجه و الأخلاق
-يتكئ علي عكازه الذهبي-مفتعلا
يبخ السم في الأوراق، يوقد نار تسكنكم
يعز عليه أن يشتاق غير لنفسه الخربة
سيشعل فتنة الأسلاف،
لن يترك لكم حزنا ولا فرحا
يقاسمكم مرارة عيشكم يوما
!و آخر يصنع البهجة
..فلا تصفونه بإله .. ولا تبقونه حيا

على اعتاب العشرين

يـبـكـي ويـضـحـك لاحــزنـاً ولا فــرحـا

كـعاشقٍ خـطَّ سطراًفي الهوى ومحا

قــلـبٌ تــمـرس بــالـذات وهــو فـتـى

كــبـرعـم لـمـسـتـه الــريـح فـانـفـتحا

بشارة خورى

للبنت اللى بافكر فيها بالفصحى .. مع انى شاعر عامية

1

انى اعتنقتك

بعد كفر لا نهائى بالحنين

عشرون عاما لا أتاجر

بالنهايات السعيدة

كل الحكايات التى دونتها

أهديتها للأميرات الحسان

ومارست الثمن

أنت فقط-

-من جردتنى من بقايا قداستى

لك كل ما اكتب بعد

لك ماتبقى من عنائى

.. و من دعائى المستجاب

2

أراه جميلا

حين أجاهر باسمك علنا

امام الجمع بدون حياء

فهل كان صلبى على شفتيكى

!بأمر جميل ؟

وهل كان يوم اشتهائى المفاجئ

لامرأة تبدو كالثائرة

يوازى انهيارى المبالغ فيه

وموتى الدى دائما لا يفسر؟

أراك مناسبة للتألق

و عيناك لا تنطقان بسوء

بعكسى تماما

أجاهر علنا

و دوما أجيد عداب انصهارى

! بلا أدعية

الى فتاة .. لا تغرب عنها الشمس

يامقدمين من جتتى
قربان
ومفرقين التوب
وانا عريان
أمانة عليكوا
شوفولى حتة وطن
أحس جواه
ان انا إنسان

والله العظيم من قلبى



وآدى مرّه كمان عَصيت
عِدّ يا عمّ الملاك
ياللى انت رابصلى على
كتفى الشمال
عمّال
تأيِّد ف الذنوب
وبتلتمس ليا الهلاك
أوعى تنسى
لاجل خاطرى
و انت طالع فوق أمانه
تقول لربّى
مكانش قاصده


و فين انت


نفسى اعيش
زى شمعه تدوب خيوطها
رغم موتها ماتنطفيش
زى موجة بحر سارحه
زى فرحة ماتنتهيش
نفسى اعيش جوّه العيون
نفسى اكون
ذكرى حلوه ماتتنسيش
نفسى أسكن فى الصور
والأماكن
والملامح والغُنى
أصل انا
غير قلوب الناس ماليش
نفسى اعيش

مكتبتى حزينه
وبتشتكى من جدران البيت
كتبى المسكينه
ملّت م الركنه جنب الحيط
بتقوللى: اقرانى
دا انا كلّى معانى
فداريت عنها كسوفى ورديت:
ماتعلمتش ولا عمرى قريت
دا انا حاطّك زينه
واهو منظر من ضمن الإتيكيت
مكتبتى حزينه

لو مُتّ
متحطّوش على الضريح شمعة
ماتزودوش حزنكم
ولاتزرفوش دمعة
كل اللى بتمناه
بقوله ف وصية
غنوا كلامى وياريت
الناس تكون سامعة

لو رافضانى أعيش ف ضريحك

ماحلىَ التوهة مع الدراويش

لحظة خروجى من البروفة

احساس غريب باللخبطة

بالشخبطة

على وشى واسأل

مين انا

فتحوا الكشك

وياللا نهيص

فى علب مقفولة وقراطيس
قرب واسبق

بكرة هاتلحق

مايهمكش

ده كله رخيص

على الرصيف

احساس مخيف بالانتظار

شبابيك الصُبح بتتفتح
و الليل بيعَجِّز ويروَّح
وانا كل ماشِبّ عشان تلمحنى
عيون البنت الأمورة
بالقى الايام بينى وبينها
ودموعى بتنزل من عِينها
بَاسقط
واخرُج برّة الصورة

رغم اننا

تفتكرى ليه؟

دايما باحس انك هنا

تنورة شوقى بتسبقنى

و بتفقدنى

احساسى بروحى و بالمسافات

كان معايا ساعتها كراسة وقلم

كتبت اجمل ذكرياتى

حاجات كتير انا عشتها

وحاجات كتير

كان غصب عنى ماعشتهاش

بينى وبين النيل حكاية

برغم حزنى مابنساهاش

النور انسان

السكة ف بعد الناس .. بتضيق

قرار ديكتاتورى رقم 1

بما انى اكتشفت فى نفسى موهبه جديدة من مواهبى المتعددة
و هى موهبة التصوير-(والله هم اللى قالولى)-وبناء عليه قررنا نحن الموقع ادناه

عدم وضع اى صورة غير اللى انا مصورهم بنفسى و يارب يعجبوكم
..بس

الى نصفى الآخر

(غاية)

صوت الأذان
،ضحكة زمان
،و أربع حيطان

صوت الأذان
بيواسى روحك بعدهم
ضحكة زمان
مبقتش سهلة ف بعدهم
وأربع حيطان
رافضين وجودك وسطهم

قلبك..خلاص
صوتك طريقك للخلاص من وحدتك
رفرف .. لو بنص جناح
وهج من القفص
انطق كلام
واخلق ونس
عصفور معشش
على صدر شباك الأمل
بقى محتمل
تفتح عنيك ف الليل
تقيد كُبس النهار
والاختيار .. مش حقهم
املك حروف اسمك ف ايدك
ارفض وجودك وسطهم
مستني إيه؟

مواقع من وجهة نظرى جديرة بالزيارة

http://cheikh-imam.net/
دا موقع الشيخ امام لكنه مش خاص بيه بس لكن فيه اغانى تراثية تحفة..


http://www.emadfouad.com
موقع الشاعر عماد فؤاد
لا شيء
أنا قابعٌ في آخر السَّطرِ
تليني نقطةٌ
ويسبقني الفراغْ.

بحس ان نجيب اتكلم عنى هنا..

انا لستُ اُحسب بين فرسان الزمان

ان عُدَّ فرسان الزمان

لكِّن قلبى كان دوما قلب فارس

كره المنافق والجبان

مقدار ماعشق الحقيقة..

نجيب سرور

بين انتهائك وارتعاش الصمت ف عيونهم

نُص عُمر

ولاعتك فاضية
وسجايرك فَرط
بتحاول تِهرَب برّه ملامحك
عُمرك ما قدِرت
البرد ف قلبك
و جيوبك رافضة انك تدفن
جواها اديك
قُدَّامك الف طريق لِهْناك
والليل ف عنيك
بيدارى ملامح ناس
اختاروا يكونوا معاك
خايف..
وبتصرخ
بتدوَّر على حد يكون سامع
بتنادى عليها
وزعيقَك واصل آخر الشارع
مشتاق للضحكة المولودة
من بين شفايفها
(أيام ماهى كانت قدامك)
لسَّاك مِستَنّى
و بتسأل امتى هاترجعلك
الوقت اتأخر
الناس ملهية ف احلامها
و عمود النور
بيبص عليك انت لوحدك
بيخلى خيالك يتمرد
ويحوم حواليك
بتحاول تِسبَق
بيهدَّك تعبك
وتُقَع من طولك
(كالعادة)
تدَّارى ف رُكن..

بعد التحية وكلمتين متزوقين

مبدأيا

دى محاولة لتقديم شيئ

سيان بقى هيكون مؤثر او مش مؤثر

لكن شيئ

حتى لو كان بالطباشير..



خليل